كتب : محمد محمود
كتب الناشط السياسي وائل غنيم علي صفحته الشخصية فيس بوك لأول مره منذ فترة طويله في رسالة الي النظام السياسي وتصدير إختراعات وهمية الي الشعب المصري ونص ما كتبه وائل علي صفحته في أربع مقارنات مرفق بصورة
- 1
على اليمين، أشرف البنداري، مخترع الوحش المصري، أول مركبة تسبح وتطير وتسير على الطرق الأسفلتية. انتهى الوحش المصري غرقا بعد أن ألقاه أشرف في ترعة القليوبية.
على الشمال، إيلون ماسك، المخترع الأمريكي المهاجر من جنوب أفريقي، وتحته صورة ماكيت لاختراع الـ "هايبر لووب"، اللي هيبقى نقلة تاريخية في عالم المواصلات. ومن المتوقع إنه يوصل مدينتي سان فرانسيسكو ولوس أنجيلوس بقطار فائق السرعة بيوصل المسافرين في 30 دقيقة. (المسافة بين المدينتين ٦٠٠ كيلو متر يعني زي من القاهرة للاقصر). حاليا بيتم تجربة أجزاء من القطار في صحراء نيفادا الأمريكية.
على الشمال، العالم الأمريكي دوج ميلتون، اللي معمله في هارفارد وصل لواحد من أهم الاكتشافات اللي "قد تؤدي لعلاج مرض السكر من النوع أ". مش عارف طايرين بيه وهو لسه في مرحلة نشر أبحاثه، ومش فاهم ليه معملش مؤتمر صحفي أكد فيه إن نسبة العلاج هيبقى 100%. وليه مأهداش الأبحاث اللي عملها للرئيس أوباما وسيادة وزير الدفاع الأمريكي.
على الشمال، تريفور نوح، مواطن جنوب أفريقي، أصبح المقدم الأساسي لبرنامج "العرض اليومي" بتاع جون ستيوارت بعد اعتزاله. تريفور كل يوم بيتريق على الأمريكان وسياسييهم وبيهزأ ترامب وكلينتون، وبيتريق على سياسات أمريكا الخارجية، وأجهزتها السيادية. والأغبياء لسه مطردوهوش، وسايبينه يقدم على الجنسية الأمريكية.
على الشمال، زينب سالبي، مواطنة أمريكية من أصل عربي، وخريجة نفس الجامعة اللي اتخرجت منها آية. زينب تم تكريمها رسميا من عشرات المؤسسات الرسمية والأهلية بسبب جهودها لتخفيف آلام الحرب على مسلمي البوسنة والهرسك. المنظمة الخيرية اللي بدأتها زينب جمعت أكتر من ١٠٠ مليون دولار أمريكي تم صرفهم على أكتر من ٤٠٠ ألف عائلة بوسنوية بعد انتهاء الحرب هناك في التسعينيات.
الدول تتقدم بالعلم مش بالخرافة ..
الدول تُبني بالعمل مش بالفهلوة ..
الدول تنهض بالإنسان الحر الكفء مش بالخاضع الخانع ..
وتحيا مصر ..
على الشمال، إيلون ماسك، المخترع الأمريكي المهاجر من جنوب أفريقي، وتحته صورة ماكيت لاختراع الـ "هايبر لووب"، اللي هيبقى نقلة تاريخية في عالم المواصلات. ومن المتوقع إنه يوصل مدينتي سان فرانسيسكو ولوس أنجيلوس بقطار فائق السرعة بيوصل المسافرين في 30 دقيقة. (المسافة بين المدينتين ٦٠٠ كيلو متر يعني زي من القاهرة للاقصر). حاليا بيتم تجربة أجزاء من القطار في صحراء نيفادا الأمريكية.
- 2
على الشمال، العالم الأمريكي دوج ميلتون، اللي معمله في هارفارد وصل لواحد من أهم الاكتشافات اللي "قد تؤدي لعلاج مرض السكر من النوع أ". مش عارف طايرين بيه وهو لسه في مرحلة نشر أبحاثه، ومش فاهم ليه معملش مؤتمر صحفي أكد فيه إن نسبة العلاج هيبقى 100%. وليه مأهداش الأبحاث اللي عملها للرئيس أوباما وسيادة وزير الدفاع الأمريكي.
- 3
على الشمال، تريفور نوح، مواطن جنوب أفريقي، أصبح المقدم الأساسي لبرنامج "العرض اليومي" بتاع جون ستيوارت بعد اعتزاله. تريفور كل يوم بيتريق على الأمريكان وسياسييهم وبيهزأ ترامب وكلينتون، وبيتريق على سياسات أمريكا الخارجية، وأجهزتها السيادية. والأغبياء لسه مطردوهوش، وسايبينه يقدم على الجنسية الأمريكية.
- 4
على الشمال، زينب سالبي، مواطنة أمريكية من أصل عربي، وخريجة نفس الجامعة اللي اتخرجت منها آية. زينب تم تكريمها رسميا من عشرات المؤسسات الرسمية والأهلية بسبب جهودها لتخفيف آلام الحرب على مسلمي البوسنة والهرسك. المنظمة الخيرية اللي بدأتها زينب جمعت أكتر من ١٠٠ مليون دولار أمريكي تم صرفهم على أكتر من ٤٠٠ ألف عائلة بوسنوية بعد انتهاء الحرب هناك في التسعينيات.
الدول تتقدم بالعلم مش بالخرافة ..
الدول تُبني بالعمل مش بالفهلوة ..
الدول تنهض بالإنسان الحر الكفء مش بالخاضع الخانع ..
وتحيا مصر ..
تعليقات
إرسال تعليق